«Արարատը» վստահ հաղթեց «Վեսթ Արմենիային». Հայաստանի ֆուտբոլի Պրեմիեր Լիգա

Հայաստանի ֆուտբոլի IDBank Պրեմիեր Լիգայի 12-րդ տուրի առաջին խաղում այսօր մրցաշարի նորեկ «Վեսթ Արմենիան» սեփական դաշտում ընդունեց Երևանի «Արարատին»:

Առաջին խաղակեսում թիմերին չհաջողվեց գոլ խփել, իսկ ահա ընդմիջումից հետո հյուրերը երկու անպատասխան գնդակ ուղարկեցին տանտերերի դարպասը և վստահ հաղթանակ տարան՝ 2:0:

«Արարատը» վաստակեց 14 միավոր և բարձրացավ 6-րդ հորիզոնական: Սակայն, թիմը դեռևս 7 միավորով ետ է մնում 5-րդ հորիզոնականում գտնվող «Նոայից»:

«Վեսթ Արմենիան» երկրորդ անընդմեջ պարտությունը կրեց և վաստակած 7 միավորով զբաղեցնում է նախավերջին՝ 9-րդ տեղը:

Հաջորդ խաղը թիմերը կանցկացնեն հոկտեմբերի 24-ին: