«Ինտերը» ջախջախեց «Միլանին», Հենրիխ Մխիթարյանը 2+1 միավոր վաստակեց (տեսանյութ)
Աջակցիր «Ա1+»-ինԻտալիայի Ա սերիայի 4-րդ տուրի կենտրոնական խաղում Միլանի «Ինտերը» ընդունեց «Միլանին»: Միլանի հերթական դերբին ավարտվեց «ինտերիստների» խոշոր հաղթանակով՝ 5:1:
«Միլանի» ջախջախման սկիզբը դրեց Հայաստանի ֆուտբոլիստ Հենրիխ Մխիթարյանը, որը 5-րդ րոպեին բացեց հաշիվը: 38-րդ րոպեին Մարկուս Թյուրամը կրկնապատկեց այն:
Երկրորդ խաղակեսի միջնամասում պորտուգալացի Ռաֆայել Լեաոն կրճատեց հաշվի տարբերությունը: Այնուհետև սկսվեց Հենրիխ Մխիթարյանը բենեֆիսը: Նա նախ 69-րդ րոպեին դարձավ դուբլի հեղինակ և եռապատկեց հաշիվը: 10 րոպե անց թուրք ֆուտբոլիստ Չալհանօղլուն 11 մետրանոցով խփեց չորրորդ գոլը: Ավելացված ժամանակում Հենրիխ Մխիթարյանի հաշվենկատ փոխանցումից հետո Դավիդե Ֆրատեսին 5-րդ անգամ գրավեց «Միլանի» դարպասը: Այդպիսով, մեր ֆուտբոլիստը գոլ+փոխանցում տարբերակով վաստակեց 3 միավոր:
Այս հաղթանակից հետո «Ինտերը» 12 հնարավորից վաստակեց 12 միավոր և դարձավ միանձյա առաջատար: «Միլանը» կրեց առաջին պարտությունը և նահանջեղ 3-րդ հորիզոնական, քանի որ նրան հետապնդող «Յուվենթուսը» մինչ այդ 3:1 հաշվով հաղթել էր «Լացիոյին» և վաստակել 10 միավոր:
Հաջորդ հանդիպումը «Ինտերը» կանցկացնի սեպտեմբերի 20-ին, ՈՒԵՖԱ-ի չեմպիոնների լիգայի շրջանակում: Այդ օրը իտալական ակումբը կհյուրընկալվի իսպանական «Ռեալ Սոսիեդադին», որի կազմում հանդես է գալիս Ռուսաստանը ներկայացնող հայազգի ֆուտբոլիստ Արսեն Զախարյանը:
