A
A
Հայաստանի ֆուտբոլի Պրեմիեր լիգան նոր հովանավոր ունի
Աջակցիր «Ա1+»-ինԱյսօր երկու հանդիպումով կմեկնարկի Հայաստանի ֆուտբոլի Պրեմիեր Լիգայի 2023-24թթ առաջնությունը: Այն այժմ կրում է IDBank Պրեմիեր Լիգա անվանումը:
Մեկնարկային խաղում մրցաշարի նորեկ «Վեստ Արմենիան» իր հարկի տակ կընդունի «Շիրակն»: Այդ խաղը կցուցադրվի Հ1 հեռուստաալիքով:
Օրվա երկրորդ խաղում «Նոան» սեփական դաշտում կհանդիպի Չարենցավանի «Վանի» հետ: Անցած մրցաշրջանում թիմերը հանդիպել են 4 անգամ, որոնցից երեքում գրանցվել է ոչ-ոքի արդյունք, իսկ մեկն ավարտվել է «Նոայի» հաղթանակով:
Նշենք, որ IDBank Պրեմիեր Լիգային մասնակցում են 10 թիմ, որոնցից Հայաստանի չեմպիոն չեն դարձել չորսը՝ «Նոան», «Վանը», ԲԿՄԱ-ն և, բնականաբար, «Վեստ Արմենիան»: Առաջնությունը կանցկացվի 4 շրջանով:
