Դասական շախմատում լավագույնը Էմին Օհանյանն է, կայծակնայինում՝ Տիգրան Հարությունյանը

Ղազախստանի մայրաքաղաք Աստանայում անցկացվող Astana Zhuldyzdary շախմատի միջազգային փառատոնի գլխավոր մրցաշարում մասնակցած Հայաստանի շախմատիստներից առավել հաջող հանդես եկավ միջազգային վարպետ Էմին Օհանյանը, որը 10 հնարավորից վաստակեց 7 միավոր և զբաղեցրեց 9-րդ տեղը:

Գրոսմայստերներ Շանթ Սարգսյանը, Տիգրան Հարությունյանն ու Մանուել Պետրոսյանը 6,5 միավորով 12-19-րդ տեղերը գրավեցին: Մրցաշարի հաղթող դարձավ հնդիկ գրոսմայստեր Միտալ Ադիտյան՝ 8 միավոր:

Փառատոնի շրջանակում անցկացվեց նաև կայծակնային շախմատի մրցաշար: Գրոսմայստեր Տիգրան Հարությունյանը 11 հնարավորից վաստակելով 9 միավոր, զբաղեցրեց մրցանակային 3-րդ տեղը: Շանթ Սարգսյանը 8,5 միավորով 5-րդն է: Մանուել Պետրոսյանը և Էմին Օհանյանը 8-ական միավորով գրավեցին համապատասխանաբար 13-րդ և 19-րդ հորիզոնականները: