Արցախի ՄԻՊ-ը պատգամավորներին հաղորդում կներկայացնի
Աջակցիր «Ա1+»-ինՀունիսի 26-ին՝ ժամը 11:00-ին, տեղի կունենա Արցախի Հանրապետության Ազգային ժողովի պետաիրավական հարցերի մշտական հանձնաժողովի հերթական նիստը:
Ինչպես հայտնում են Արցախի ԱԺ-ից՝ օրակարգում «Հիմնադրամների մասին» օրենքում փոփոխություններ և լրացումներ կատարելու մասին, «Պետական ոչ առևտրային կազմակերպությունների մասին» օրենքում փոփոխություններ կատարելու մասին, «Արհեստակցական միությունների մասին» օրենքում լրացում և փոփոխություններ կատարելու մասին, «Քաղաքացիական օրենսգրքում փոփոխություններ և լրացում կատարելու մասին, « Կուսակցությունների մասին» օրենքում փոփոխություն կատարելու մասին, «Հասարակական կազմակերպությունների մասին օրենքում լրացում և փոփոխություններ կատարելու մասին» օրենքների նախագծերի փաթեթն է: Բացի այդ՝ կքննարկվեն «Քրեական օրենսգրքում փոփոխություն կատարելու մասին», «Ազգային ժողովի կանոնակարգ» օրենքում լրացում կատարելու մասին հարցերը:
Արցախի Հանրապետության Մարդու իրավունքների պաշտպանը կներկայացնի 2021թ. գործունեության, ինչպես նաև մարդու իրավունքների և ազատությունների պաշտպանության վիճակի մասին տարեկան հաղորդումը:
