A
A
Գրոսմայստեր Արսեն Եղիազարյանի հուշամրցաշարում հաղթեց Հայկ Մարտիրոսյանը
Աջակցիր «Ա1+»-ինՀայաստանի շախմատի ակադեմիայում այսօր տեղի ունեցավ Արսեն Եղիազարյանի հիշատակին նվիրված կայծակնային շախմատի թվով 3-րդ հուշամրցաշարը:
Դրան մասնակցեցին նրա լավագույն սաները և ընկերները, այդ թվում գրոսմայստերներ Հայկ Մարտիրոսյանը, Մանուել Պետրոսյանը, Տիգրան Պետրոսյանը, Սամվել Տեր-Սահակյանը, Ռոբերտ Հովհաննիսյանը, Տիգրան Հարությունյանը, միջազգային վարպետներ Արթուր Դավթյանը և Աշոտ Նադանյանը:
Յոթ հնարավորից վաստակելով 5 միավոր, մրցաշարի հաղթող դարձավ Հայկ Մարտիրոսյանը: Մանուել Պետրոսյանը և Տիգրան Հարությունյանը 4,5-ական միավորով կիսեցին 2-3-րդ տեղերը:
Նշենք, որ համաշխարհային երկու օլիմպիադաների մասնակից, ՖԻԴԵ-ի ավագ մարզիչ, գրոսմայստեր Արսեն Եղիազարյանն այսօր կդառնար 53 տարեկան:
