A
A
Հայաստանի լողորդները կմասնակցեն
2011 թ ապրիլի 4-10-ը Ձերժինսկ քաղաքում կայանալիք հենաշարժողական համակարգի խնդիրներով մարզիկների ՌԴ լողի բաց առաջնությանը կմասնակցեն Հայաստանի Հաշմանդամային Սպորտի Հայկական Ազգային Ֆեդերացիայի երեք մարզիկներ` Մարգարիտա Հովակիմյանը, Ավագ Տոնոյանը եւ Արտակ Դավթյանը: Այդ մասին տեղեկացնում է ՀՍՀԱՖ-ի մամուլի ծառայությունը:
Նշենք, որ այդ առաջնությունը ընդգրկված է Միջազգային Պարալիմպիկ Կոմիտեի մրցաշարերի ցանկում: ՌԴ լողի բաց առաջնությունում բարձր արդյունքներ ցույց տվող հաշմանդամ մարզիկները ձեռք կբերեն հուլիսի 3-10-ը Բեռլինում կայանալիք 2011 թ Պարալիմպիկ լողի Եվրոպայի առաջնության ուղեգրեր:
Հայաստանի պատվիրակությունը ՀՍՀԱՖ-ի նախագահ Սամվել Ռոստոմյանի գլխավորությամբ Ձեռժինսկ կմեկնի ապրիլի 1-ին:
