Ներկայացնելով օրակարգային հարցերը՝ մարզպետը​ դպրոցների տնօրենների ուշադրությունը հրավիրեց մի շարք խնդիրների վրա:

 

Մասնավորապես` հանձնարարվեց դպրոցի տնօրեններին գույքագրել դպրոցների՝ հրատապ լուծում պահանջող խնդիրները, նախահաշիվներ կազմել և ներկայացնել մարզպետի աշխատակազմ՝ ըստ առաջնահերթության լուծման հնարավոր ուղիներ դիտարկելու և վեր բարձրացված հարցերին լուծումներ տալու համար:

 

Մարզպտի աշխատակազմի Ֆինանսական և սոցիալ-տնտեսական զարգացման վարչության պետ Վարազդատ Մկրտչյանը նշեց, որ հրատապ խնդիրների համար առաջնահերթություն է սահմանվել դպրոցների սանհանգույցների, մարզադահլիճների և ջեռուցման համակարգերի լուծման հարցը:

 

Մարզպետը հանձնարարեց մեծ ուշադրություն դարձնել աշակերտների հաճախելիությանը, քանի որ կազմված աշխատանքային խմբերն անակնկալ այցեր են կատարելու դպրոցներ՝​ աշակերետների հաճախելիության իրական պատկերն արձանագելու համար:

 

Օրակարգի հարցերի շրջանակում քննարկվեց 2023 թվականի մայիսի 26-ին ​ մարզի հանրակրթական դպրոցների 9-րդ և 12-րդ դասարանների աշակերտների շրջանում անցկացվելիք «Վերջին դաս» արարողության պատշաճ կազմակերպմանն ու անցկացմանը վերաբերող հարցը։ Մարզպետը հորդորեց դպրոցների տնօրեններին՝ դպրոցներում բացառել ցանկացած դրամահավաք և լինել ավելի հետևողական։

Նաև նշվեց, որ որևէ դպրոց ​ ԿԳՄՍ-ի կողմից սահմանված «Վերջին դաս» միջոցառման օրը չփոփոխի և այլ օր չտեղափոխի:

 

Այնուհետև խոսվեց մարզում ուսուցիչների ​ կամավոր ատեստավորման ցածր ցուցանիշների մասին և հորդորեց​ շարունակական և​ հետևողական​ քայլեր ձեռնարկել՝ ուսուցիչների մեջ հետաքրքրություն բարձրացնելու մասով:

 

Խորհրդակցության ընթացքում կարևորվեց​ ​նաև ռազմական ուսումնական հաստատություններ սովորել ցանկացողների մոտիվացիայի բարձրացումը՝ շեշտելով, որ պետք է հետևողական աշխատանք տանել հատկապես այն աշակերտների շրջանում, ​ ովքեր դեռ չեն կողմնորոշվել ուսումնառության հարցում:

 

Խորհրդակցության օրակարգային հարցերը սպառելուց հետո տնօրենները բարձրաձայնեցին իրենց հուզող հարցերը, որոնց մարզպետ Էդվարդ Հովհաննիսյանը տվեց սպառիչ պատասխաններ: