Էս ո՞վ աչքով տվեց, թու-թու մի շաբաթ էր լավ էր ամեն ինչ, ո՞վ ստեղծեց հոգեմետ վիճակ. Քոչարյան (տեսանյութ)
Աջակցիր «Ա1+»-ին«Արդեն մեկ շաբաթ էր՝ ոնց որ Ազգային ժողովը ընդդիմադիր թևի հետ լավ գնում էր, ոնց որ աչքով տվեցին: Էնքան խոսեցինք հոգեմետ դեղերի մասին, մեկ էլ հոգեմետ վիճակ առաջացավ, ու պարզ չէ՝ ինչի, չէ՞ որ դրանից առաջ «Հայաստան» խմբակցության առաջարկով Տեղ գյուղի հետ կապված հրաշալի քննարկումներ ունեցանք, և շատ շահարկումներ դուրս եկան»,- իր ելույթում հայտարարեց ԱԺ ՔՊ խմբակցության պատգամավոր Անդրանիկ Քոչարյանը:
Նա հավելեց, որ ինչ-որ մարդիկ ստվերում ոնց որ թե բավարարված չեն այս ընթացքից և ի սկզբանե ասել էին խրամատների, քոքերի մասին. «Այս ընթացքը նրանց ձեռք չի տալիս, որովհետև սա մեզ հնարավորություն էր տալիս համերաշխության միջավայր ստեղծել մեր երկրում. չուզեցին, ենթարկվեցին: Եղավ այն, ինչ եղավ. դա նրանց ընտրությունն էր»:
Ցույց տալով կառավարության ծրագիրը՝ Անդրանիկ Քոչարյանն ասաց՝ տիկինն ասում է, թե սա թղթի կտոր է. «Եթե թղթի կտոր է, ուրեմն հարցեր ինչո՞ւ էիք տալիս: Այդ դեպքում դուք չեք հասկանում, թե ինչ է պետությունը, պետականությունը և Սահմանադրությունը»:
Շարունակությունը՝ տեսանյութում
