Արցախում 120,000-ից ավելի մարդ, այդ թվում` 30,000 երեխա, ենթարկվում է էթնիկ զտումների. քննարկում
Աջակցիր «Ա1+»-ինԱրցախում 120,000-ից ավելի մարդ, այդ թվում` 30,000 երեխա, ենթարկվում է էթնիկ զտումների: Քննարկման ընթացքում նման դիտարկում է արել մարդու իրավունքների նախկին պաշտպան, Թաթոյան հիմնադրամի նախագահ Արման Թաթոյանը: Նա իր ֆեյսբուքյան էջում գրել է.
«Այսօրվա հերթական քննարկմանը նախանշեցինք այս պահի հրատապ անելիքները, այդ թվում` ամփոփելով փաստական տվյալները ադրբեջանական հանցավոր արարքների վերաբերյալ և դրանց հակազդելու համատեղ քայլերը Արցախի մարդու իրավունքների նախկին պաշտպան Արտակ Բեգլարյանի (Artak Beglaryan), գործող Պաշտպան Գեղամ Ստեփանյանի(Gegham G. Stepanyan), ինչպես նաև Իրավունքի և արդարության կենտրոն «Թաթոյան» հիմնադրամ/ “Tatoyan” foundationի անձնակազմի հետ միասին:
Ադրբեջանի կողմից Արցախի շրջափակման արդեն 24-րդ օրն է. 120,000-ից ավելի մարդ, այդ թվում` 30,000 երեխա, ենթարկվում է էթնիկ զտումների մարդկանց սովի մատնելու ու հայրենի բնակավայրերը լքելուն պարտադրելու նպատակով»:
