Մանկական Եվրատեսիլում հաղթեց Ֆրանսիան (տեսանյութ)
Աջակցիր «Ա1+»-ինՄանկական Եվրատեսիլում հաղթեց Ֆրանսիան, Հայաստանը երկրորդն է, Վրաստանը` երրորդը։ Երեւանում կայացած 20-րդ հոբելյանական «Մանկական Եվրատեսիլ 2022»-ում Ֆրանսիայի ներկայացուցիչ Լիսանդրոն հաղթեց Oh Mama երգով։ Հայաստանի պատվիրակ Նարեն Dance երգով զբաղեցրեց երկրորդ հորիզոնականը: Հաղթողը որոշվեց ժյուրիի եւ առցանց քվեարկության արդյունքում։
Ըստ մրցույթի քվեարկության կարգի՝ մասնակից երկիրը առցանց քվեարկության միջոցով կարող էր ձայն տալ նաև իր պատվիրակին: Քվեարկությունը մեկնարկել էր դեկտեմբերի 9-ից jesc.tv կայքում, որտեղ հնարավոր էր դիտել բոլոր մասնակիցների ելույթների նախնական տարբերակները:
Քվեարկությունն ավարտվեց մրցույթի օրը՝ շոուից անմիջապես առաջ: Այն վերսկսվեց մրցույթի ընթացքում՝ բոլոր ելույթներից հետո:
Ի դեպ, «Մանկական Եվրատեսիլի» կայքը հարյուր հազարով քվեներ է ստացել և այդ պատճառով քվեարկելիս որոշ դժվարություններ են առաջացել:
