Հայ-ղազախական ստուգարքներ
Հայաստանի ֆուտբոլային թիմերը հերթական ստուգողական խաղերն անցկացրին արտասահմանյան մրցակիցների հետ:
2010 թ փոխչեմպիոն Երեւանի «Բանանցը» ուսումնամարզումային հավաքի վերջին խաղում 1:2 հաշվով պարտվեց Ղազախստանի բարձրագույն խմբում հանդես եկող Աստանայի «Լոկոմոտիվին»: Երեւանի «Միկան» նվազագույն հաշվով զիջեց Ռուսաստանի 2-րդ խմբի ներկայացուցիչ Կուրսկի «Ավանգարդին»` 0:1:
Ուսհավաքը հաղթանակով ավարտեց Երեւանի «Ուլիսը», որը իր վերջին ստուգողական խաղում առավելության հասավ ղազախական «Ժետիսուի» նկատմամբ` 1:0: Իսկ ահա Երեւանի «Փյունիկը», որը նոր է մեկնել Անթալիա, իր անդրանիկ մրցախաղում ոչ-ոքի` 2:2 խաղաց ղազախական «Կայրաթի» հետ: Հայաստանի բազմակի չեմպիոնին պարտությունից փրկեց Գեւորգ Ղազարյանը, որը երկու գոլ խփեց հանդիպման 88-րդ եւ ... 91-րդ րոպեին:
Հավելենք, որ «Փյունիկը» իր հաջորդ ստուգողական խաղը կանցկացնի փետվարի 26-ին, Ռուսաստանի Պրեմիեր լիգայի նորեկ Կրասնոդարի «Կուբանի» հետ:
