Սաակաշվիլին չի կարողանում սնվել` հայտնել է նրա մայրը
Աջակցիր «Ա1+»-ինՎրաստանի երրորդ նախագահ, այժմ անազատության մեջ գտնվող Միխեիլ Սաակաշվիլիի մայրը՝ Գիուլի Ալասանիան, հայտարարել է, որ որդին ուղղակի չի կարողանում սնվել։
«Նա չի հրաժարվում, այլ ի վիճակի չէ սնունդ ընդունել, դժվար է դա նրա համար։ Ես դա վկայում եմ որպես ականատես»,- ասել է Գիուլի Ալասանիան։
«Վիվամեդ» կլինիկայի տնօրեն Զուրաբ Չխաիձեն օրերս հայտարարել էր, որ նախկին նախագահը ընդունում է այն սնունդը, որն ուզում է։ Չխաիձեի խոսքով Սաակաշվիլիի առողջական վիճակը կայուն է, սակայն շատ բան կախված է պացիենտից։
«Իհարկե, նա պետք է լիարժեք սնվի, ինչը չի անում։ Ընդունում է միայն իր ուզածը, այն էլ այն օրերին, երբ ուզում է, ոչ ամեն օր։ Սա չի նշանակում, որ նա չի կարող ուտել, հավանաբար, չի ուզում»,- ասել էր Չխաիձեն։
Այսօր անազատության մեջ գտնվող Սաակաշվիլին բուժում է ստանում Թբիլիսիում՝ «Վիվամեդ» մասնավոր հիվանդանոցում:
Աղբյուր՝ Aliq.ge
