Թուրքիան նախապատրաստվում է ցամաքային գործողության Սիրիայում. թուրքական մամուլ
Աջակցիր «Ա1+»-ինԹուրքական մամուլի հաղորդմամբ՝ Անկարան շարունակում է նախապատրաստական աշխատանքներ իրականացնել Սիրիայի հյուսիսում 30 կմ-ոց անվտանգության գոտի ստեղծելու նպատակով։ Այս մասին նշում է Ermenihaber-ը։
Նշվում է, որ Թուրքիայի զինված ուժերի առաջին թիրախը Սիրիայում լինելու են Այն էլ Արաբ (Քոբանի), Մանբիչ և Թել Ռըֆաթ քաղաքները:
Իշխանամետ «Sabah» լրատվամիջոցը տեղեկացրել է, որ Թուրքիայի զինված ուժերը զինտեխնիկա են ուղարկում Սիրիայի հետ սահման: Աղբյուրը նաև զինտեխնիկայի տեղափուխումը հավաստող լուսանկարներ է հրապարակել:
Հաղորդվում է նաև, որ «Սիրիայի ազատ բանակ» (ÖSO) կոչվող հակակառավարական զինված ընդդիմադիր խմբավորումը (ֆինանսավորվում է Թուրքիայի կողմից-խմբ.) վերջին նախապատրաստական աշխատանքներն է իրականացնում: Խմբավորումը սովորաբար թուրքական բանակի հետ մասնակցում է Սիրիայում իրականացվող ցամաքային ռազմական գործողություններին:
