Ալիևի հայտարարությունը քաղաքացիական բնակչությանը ահաբեկելու բացահայտ գործողություն է. վարչապետ

«Ալիևի հայտարարությունը քաղաքացիական բնակչությանը ահաբեկելու բացահայտ գործողություն է»:

Այս մասին «Թվիթեր»-ի իր էջում գրել է ՀՀ վարչապետ Նիկոլ Փաշինյանը` նշելով.

«Զինվորական համազգեստը հագին և զինվորական լսարանի ներկայությամբ Ադրբեջանի նախագահ Ալիևը նոյեմբերի 8-ի իր սպառնալից և ագրեսիվ ելույթում հայտարարեց, որ Սիսիանը, Գորիսը, Կապանը և Հայաստանի մյուս քաղաքները իրենց տեսադաշտում են, և որ Հայաստանը հասկանում է, թե դա ինչ է նշանակում։ Դա քաղաքացիական բնակչությանը ահաբեկելու բացահայտ գործողություն է»։

Ինչպես հայտնի է, նոյեմբերի 8-ին Ադրբեջանի նախագահ Ալիևը մեկնել էր Շուշի՝ «հաղթանակ» տոնելու։ Դահլիճում հավաքված զինվորականների առջև իր ունեցած ելույթում նա հիմնականում գովել էր ինքն իրեն և սպառնացել Հայաստանին: Բնականաբար, առիթը բաց չթողնելով՝ Բաքվի բռնապետը միջանցքի վերաբերյալ կրկին կեղծ պահանջներ էր ներկայացրել Հայաստանին։

Dressed in mil uniform & in military audience #AZ pres Aliyev in his threatening & aggressive speech of Nov 8 announced that Sisian, Goris, Kapan & other #ARM towns are in field of their view & ARM understands what it means. It is blatant act of terrorizing civil population.

— Nikol Pashinyan (@NikolPashinyan) November 14, 2022