Մեկ օրվա ընթացքում արձանագրվել է ճանապարհատրանսպորտային 10 պատահար
Աջակցիր «Ա1+»-ինԸստ ոստիկանության օպերատիվ հաղորդագրությունների ամփոփագրերի՝ նոյեմբերի 9-ից 10-ը Հայաստանի Հանրապետության ոստիկանության ստորաբաժանումները բացահայտել են հանցագործության 57 դեպք։
Մասնավորապես՝ թմրամիջոցի հայտնաբերման և անձնական ունեցվածքի գողության՝ 12-ական, մարմնական վնասվածք պատճառելու՝ 9, ընտանեկան բռնության՝ 5, խարդախության, պաշտոնեական լիազորությունների չարաշահման ու սառը զենքի հայտնաբերման՝ 2-ական, անձի առևանգման, գույքը դիտավորությամբ ոչնչացնելու, խուլիգանության, կաշառակերության, պաշտոնեական կեղծիքի կամ անփութության, անչափահասին հանցանքի հակելու կամ դրան մասնակից դարձնելու, բռնություն գործադրելու հրապարակային կոչերի, անձնական կամ ընտանեկան կյանքի գաղտնիությունը խախտելու և կենդանու նկատմամբ դաժան վերաբերմունքի՝ 1-ական դեպք։
Հայտնաբերվել է 4 հետախուզվող։ Կամավոր ներկայացել է 2 հետախուզվող։
Գրանցվել է զենք-զինամթերքի կամավոր հանձնման 6 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար. 1 մարդ զոհվել է, 22-ը՝ ստացել տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ոստիկանություն
