Դատավոր Արուսյակ Ալեքսանյանը կալանավորվեց
Աջակցիր «Ա1+»-ինԴատավոր Արուսյակ Ալեքսանյանը զրկվեց ազատությունից։ Նա կալանավորվեց:
«Իհարկե, այլ բան չէինք էլ սպասում, քանզի վերջին ժամանակներում դատարանների և դատավորների շուրջ տեղի ունեցող իրադարձությունները միանշանակ ուղղված են հլու-հնազանդ դատական համակարգ ձևավորելուն (ինչպես և խոստացել էին)»,- գրել է նրա պաշտպան Երեմ Սարգսյանը։
Հիշեցնենք, որ ԲԴԽ-ն հոկտեմբերի 17-ին բավարարել է դատավոր Արուսյակ Ալեքսանյանի նկատմամբ քրեական հետապնդում հարուցելու եւ ազատությունից զրկելուն համաձայնություն տալու Գլխավոր դատախազության միջնորդությունները:
Դատավոր Արուսյակ Ալեքսանյանին մեղադրանք է առաջադրվել պաշտոնական լիազորությունները անցնելու հիմքով, իսկ փաստաբան էրիկ Ալեքսանյանին օժանդակություն կատարելու համար:
Հիշեցնենք, որ երեկ երեկոյան դատարանի դահլիճից ազատ է արձակվել փաստաբան Էրիկ Ալեքսանյանը, քանի որ լրացել է նրա ձերբակալման ժամկետը։ Սակայն կալանքի գործով քննության վերաբերյալ դեռ նորություն չկա։
