Ցեմենտբետոնե բլոկով քողարկված ապօրինի փայտանյութը հայտնաբերվեց

Հոկտեմբերի 14-ին ոստիկանության պարեկային ծառայության Լոռու մարզի գումարտակի 1-ին վաշտի 2-րդ դասակի պարեկները Վանաձոր քաղաքի Նարեկացու փողոցում ստուգման են ենթարկել Եղեգնուտ գյուղի 37-ամյա բնակչի վարած «Զիլ» բեռնատարը: Բեռնատարի թափքում, ցեմենտբետոնե բլոկով քողարկված, մոտ 4 խմ փայտանյութ կար: Վարորդը փայտանյութի վերաբերյալ փաստաթուղթ չի ներկայացրել, հայտնել է, որ այն ձեռք է բերել Մարց գյուղի մոտակայքում:

 Մեքենան տեղափոխվել է պարեկային ծառայության հատուկ պահպանվող տարածք:

 Կազմված փաստաթղթերն ուղարկվել են Լոռու մարզի քննչական վարչություն։