A
A
Չեմպիոն` մրցակցի օգնությամբ
Ռուսաստանցի բիաթլոնիստ Ալեքսեյ Տրուսովը Էրզրումում անցկացվող ձմեռային "Ունիվերսիադայի" մրցումներին չնայած ներկայացել է առանց հրացանի եւ դահուկափայտերի, սակայն առաջինն է հատել եզրագիծը:
Ուսանող մարզիկի զենքը առգրավել էին Թուրքիայի մաքսակետում` փաստաթղթում եղած անճշտության պատճառով, իսկ դահուկափայտերը նա մոռացել է ավտոբուսում:
«Այդպես չեմպիոն են դառնում միայն ռուսները` մրցումներին ներկայանալով առանց անհրաժեշտ մարզագույքի» - մրցավազքի ավարտից հետո ասել է տեղի հեռուստամեկնաբանը:
Ի դեպ, Ալեքսեյ Տրուսովին օգնության ձեռք է մեկնել 2-րդ տեղը գրաված բուլղարացի բիաթլոնիստ Կրասիմիր Անեւը, որը մոռացկոտ մարզիկին տրամադրել է իր պահեստային հրացանն ու դահուկափայտերը:
