Իշխանությունները չպետք է համաձայնվեն պարտադրված պայմանագրին․ մի խումբ քաղաքացիներ ակցիա էին անում (տեսանյութ)
Աջակցիր «Ա1+»-ին«Մեր իշխանությունները կարող են չհամաձայնվել այդ պարտադրված պայմանագրի հետ և թելադրել իրենց կանոնները»,- ասում է երևանաբնակ Արևիկ Նիկողոսյանը։
Գարեգին Նժդեհի արձանի մոտ մի խումբ քաղաքացիներ հավաքվել էին՝ իրենց անհամաձայնությունը հայտնելու մասնավորապես 2020 թվականի նոյեմբերի 9-ի փաստաթղթի հետ կապված։ Նրանք նշեցին, որ քաղաքական կուսակցությունները բաժանել են իրենց, և ժամանակն է, որպեսզի ժողովուրդը իր ձայնը բարձրացնի։
Ակցիայի մասնակցի խոսքով՝ այսօր կա հնարավորություն Բերձորն ու Աղավնոն չհանձնելու և փոխելու նոյեմբերի 9-ի համաձայնագիրը։
Ակցիայի մեկ այլ մասնակցի՝ Արմեն Խալաթյանի խոսքերով ՀՀ կառավարությունը պետք է ներկայացնի իր կարմիր գծերը, որպեսզի յուրաքանչյուր հայ մարդ տեղեկանա, թե որտեղ է իր տունը գտնվելու և ում կառավարության ներքո։
Ակցիայի մասնակիցները նշեցին, որ ակցիաները լինելու են շարունակական։