Մեղադրվում են խարդախության մեջ
Ֆրանսիայի շախմատի ֆեդերացիան հայտարարել է, որ գրոսմայստերներ Սեբաստիան Ֆելերը, Առնո Խոչարդան եւ միջազգային վարպետ Կիրիլ Մարցոլոն կասկածվում են խարդախության մեջ: Այդ մասին տեղեկացնում է հենց ֆեդերացիայի կայքէջը:
Ըստ ՖՇՖ-ի այդ շախմատիստները անցած տարի Խանտի Մանսիյսկում կայացած շախմատի օլիմպիադայում Ֆրանսիայի հավաքականի կազմում դիմել են խարդախության, որով խախտել են սպորտի էթիկայի կանոնները, վարկաբեկել երկրի հավաքականի իմիջը:
Նշենք, որ 2010 թ օլիմպիադայում ֆրանսիացիների կազմում հանդես են եկել Մաքսիմ Վաշիե-Լագրավը, Լորան Ֆրեսինեն, Վլադիսլավ Տկաչեւը, Ռոման Էդուարդը եւ Սեբաստիան Ֆելերը: Ուստի ՖՇՖ-ի հայտարարությունից կարելի է եզրակացնել, որ Առնո Խոչարդան եւ Կիրիլ Մարցոլոն օլիմպիադայի ժամանակ օգնել են Ֆրանսիայի հավաքականի 5-րդ խաղատախտակին հանդես եկող Սեբաստիան Ֆելերին` հուշելով նրան որոշ քայլեր:
