A
A
Առաջին շփումը փետրվարի 24-ից հետո
Աջակցիր «Ա1+»-ինՌուսաստանի արտաքին գործերի նախարար Սերգեյ Լավրովը եւ ԱՄՆ պետքարտուղար Էնթոնի Բլինքենը հեռախոսազրուց են ունեցել, որը նրանց առաջին շփումն է փետրվարի 24-ին Ուկրաինայի վրա Ռուսաստանի նախաձեռնած հարձակումից հետո: Հեռախոսազրույցը կայացել է Վաշինգտոնի նախաձեռնությամբ։
Ըստ ՌԴ ԱԳՆ-ի՝ Լավրովը «ներկայացրել է ռուսական սկզբունքային մոտեցումները Դոնեցկի Ժողովրդական Հանրապետության, Լուգանսկի Ժողովրդական Հանրապետության և Ուկրաինայի տարածքում իրականացվող հատուկ ռազմական գործողության վերաբերյալ, ընդգծելով, որ դրա նպատակներն ու խնդիրները կկատարվեն»:
Նա պնդել է, թե Ուկրաինային զենքի ու զինամթերքի փոխադրումը «միայն երկարաձգում է Կիևի ռեժիմի հոգեվարքը և ավելացնում է զոհերի թիվը»:
ԱՄՆ պետքարտուղարությունը դեռ հաղորդագրություն չի տարածել։