Արմեն Սարգսյանը ևս շնորհավորական ուղերձ է հղել ԱՄՆ նախագահ Ջոզեֆ Բայդենին
Աջակցիր «Ա1+»-ինՀանրապետության նախկին նախագահ Արմեն Սարգսյանը շնորհավորական ուղերձ է հղել ԱՄՆ նախագահ Ջոզեֆ Բայդենին՝ Միացյալ Նահանգների Անկախության օրվա առթիվ: Ուղերձում մասնավորապես ասվում է. «Հարգելի պարոն նախագահ, Անկեղծ շնորհավորանքներս ու բարեմաղթանքներս եմ հղում Ամերիկայի Միացյալ Նահանգների անկախության 246-րդ տարեդարձի առթիվ:
Հուլիսի 4-ը փարոս է դարձել անկախության և ազատության ձգտող աշխարհի շատ ազգերի համար։ Միացյալ Նահանգները Հայաստանի լավագույն բարեկամներից է, որի հյուրընկալ միջավայրում ապրում, գործում ու աշխատում են նաև մեծաթիվ հայեր։ ԱՄՆ-ն աջակցում է Հայաստանին՝ բարեփոխումներ իրականացնելու մի շարք ոլորտներում և կառուցելու ավելի ժողովրդավարական հասարակություն: Մենք երբեք չենք մոռանա, որ Դուք Օսմանյան կայսրությունում 1915թ. իրականացված Հայոց ցեղասպանությունը պաշտոնապես ճանաչած ՝ ԱՄՆ առաջին նախագահն եք։
Ինձ միշտ հաճելի են եղել տարբեր առիթներով մեր հանդիպումները, և ես ուրախությամբ կօգտվեմ կրկին հանդիպելու ու ևս մեկ խորն ու բովանդակալից քննարկում ունենալու նոր հնարավորությունից: Ընդունեք, խնդրեմ, քաջառողջության և հաջողության իմ լավագույն մաղթանքները»:
