Հայաստանում փոխում են սահմանադրությունը. Ինչ է սպասվում (տեսանյութ)
Աջակցիր «Ա1+»-ինԱյս տարվա սկզբին վարչապետ Նիկոլ Փաշինյանի որոշմամբ հաստատվեց սահմանադրական բարեփոխումների խորհրդի անհատական կազմը և սահմանվեց գործունեության կարգը: Խորհուրդը քննարկում է նաև, թե կառավարման որ համակարգով պետք է շարժվի Հայաստանի Հանրապետությունը։
Սահմանադրական բարեփոխումների խորհրդի անդամները խորհրդարանական կառավարման համակարգի բացասական կողմ են համարում հակակշիռների բացակայությունը ու անկախ մարմինների բացակայությունը։
ՀՀ սահմանադրությունը ընդունվել է 1995թ հուլիսի 5-ին և փոփոխությունների ենթարկվել 2005 և 2015 թվականներին։ Հայաստանի յուրաքանչյուր նոր իշխանություն փաստացի իր հետ բերել է սահմանադրական փոփոխություններ։
Գործող սահմանադրությունը ունի մի շարք կարգավորումներ, որոնք պետք է անփոփոխ մնան՝ անկախ նրանից՝ սահմանադրությունը կփոխվի թե ոչ։
Իսկ ինչպիսի՞ սահմանադրություն է հարկավոր Հայաստանին, որպեսզի այն լինի մնայուն և արդյունավետ։
Հիշեցնենք, որ Ազգային ժողովի ընդդիմադիր «Հայաստան» և «Պատիվ ունեմ» խմբակցությունները բոյկոտում են սահմանադրական բարեփոխումների նախաձեռնությունը և խորհրդի կազմում ընդգրկված չեն:
