Ս.Ավագյանի հուշամրցաշարում հաղթեց իրանցի շախմատիստ
Աջակցիր «Ա1+»-ինՋերմուկում ավարտվեց Ստեփան Ավագյանի հիշատակին նվիրված 16-րդ կարգի շախմատի միջազգային մրցաշարը:
Այսօր կայացած վերջին` 9-րդ տուրում, մրցաշարի առաջատարներից Ամին Թաբատաբաեին հաղթեց Ալեքսանդր Դոնչենկոյին, իսկ ահա Շանթ Սարգսյանը պարտվեց Հայկ Մարտիրոսյանին: Այդպիսով, իրանցի շախմատիստը վաստակեց 6 միավոր և զբաղեցրեց առաջին տեղը: Նա կստանա 1,5 մլն դրամ պարգևավճար:
Մրցանակային 2-րդ հորիզոնականը 5,5 միավորով գրավեց Հայկ Մարտիրոսյանը, իսկ առաջատար եռյակը եզրափակեց Շանթ Սարգսյանը, որը վաստակեց 5 միավոր: Նրանք կպարգևատրվեն համապատախանաբար 1,1 մլն և 800 հազար դրամով:
Ամերիկացի Հանս Մոկե Նիմանը, հնդիկ Նիհալ Սարինը, Չեխիան ներկայացնող Նգույեն Թայ Դայ Վանը և գերմանացի Ալեքսանդր Դոնչենկոն 4,5-ական միավորով բաժանեցին 4-7-րդ տեղերը: Մրցաշարային աղյուսակը եզրափակեցին Սամվել Տեր-Սահակյանը (4 միավոր), Մամիկոն Ղարիբյանը (3,5) և Մանուէլ Պետրոսյանը (3)։
Առաջին չորս տեղերի համար հատուկ մրցանակներ էր սահմանել նաև «Chessify» ընկերությունը` 400-300-200-100 դոլար: