A
A
Երևանյան լճի մաքրման աշխատանքներին զուգահեռ լճի վրա տեղադրվել է աղբաորսիչ ցանց․ քաղաքապետ
Աջակցիր «Ա1+»-ինԵրևանի քաղաքապետ Հրաչյա Սարգսյանը ֆբ-ի իր էջում անդրադարձել է Երևանյան լճի մաքրման աշխատանքներին․
«Ուզում եմ տեղեկացնել, որ Երևանյան լճի մաքրման աշխատանքներին զուգահեռ լճի վրա տեղադրվել է աղբաորսիչ ցանց, ինչը հնարավորություն է տալիս մաքրել կոշտ աղբը. շուտով կտեղադրվեն եւս մի քանիսը։
Խնդրում և հորդորում եմ պատասխանատու լինել մեր շրջակա միջավայրի մաքրության նկատմամբ եւ աղբը թափել միայն սահմանված վայրերում։
Հգ՝ Վերջին օրերին համացանցում լայն տարածում ստացած տեսահոլովակի
գործողության հասցեն հայտնաբերվել է և կենցաղային աղբը մոտակա ջրատարը թափող քաղաքացու նկատմամբ կազմվել է արձանագրություն:
Այս պահին իմ նախաձեռնությամբ մշակվում է օրենսդրական փոփոխություն, համաձայն որի ոչ սահմանված վայրերում աղբ թափելու համար տուգանքները կխստացվեն»,- գրել է քաղաքապետը և լուսանկարներ հրապարակել։
