Կապիկի ծաղիկի բռնկումը անսովոր է և մտահոգիչ. ԱՀԿ

Առողջապահության համաշխարհային կազմակերպությունը (ԱՀԿ) մտադիր է հաջորդ շաբաթ հրավիրել արտակարգ կոմիտե՝ գնահատելու կապիկի ծաղիկի բռնկման վտանգը, ասել է գլխավոր տնօրեն Թեդրոս Ադհանոմ Գեբրեյեսուսը։

«Կապիկի ծաղիկի բռնկումն անսովոր է և մտահոգիչ: Այդ իսկ պատճառով ես որոշել եմ հաջորդ շաբաթ հրավիրել Արտակարգ իրավիճակների  նիստ՝ համաձայն միջազգային առողջապահական կանոնակարգերի՝ գնահատելու, թե արդյոք այս բռնկումը արտակարգ իրավիճակ է»,- մեջբերում է «ՌԻԱ Նովոստի»-ն ԱՀԿ գլխավոր տնօրենի խոսքերը։

Համաշխարհային կազմակերպության տվյալներով՝ աշխարհում կա կապկի ջրծաղիկի ավելի քան 1600 հաստատված դեպք և մոտավորապես 1500 կասկածելի դեպք՝ 39 երկրներում:  Այն  հազվագյուտ վիրուսային վարակ է, որը տարածվում է մարդկանց միջև: Շատ դեպքերում այս հիվանդությունը հեշտությամբ  բուժվում է, սակայն երբեմն հնարավոր են բարդություններ։