A
A
Ջանում են վերականգնել Ուկրաինայից հացահատիկի արտահանումը
Աջակցիր «Ա1+»-ինՄեծ Բրիտանիայի վարչապետ Բորիս Ջոնսոնը Ուկրաինայի նախագահ Վլադիմիր Զելենսկիին հայտնել է, որ Միացյալ Թագավորությունը կապի մեջ է միջազգային գործընկերների հետ՝ Ուկրաինայից հացահատիկի մատակարարումները վերականգնելու նպատակով։
«Արմենպրես»-ի հաղորդմամբ՝ ինչպես հայտնում է ՏԱՍՍ-ը, այս մասին մայիսի 28-ին հայտարարություն է տարածել բրիտանական կառավարության ղեկավարի գրասենյակը՝ երկու առաջնորդների զրույցից հետո։
«Վարչապետը նախագահ Զելենսկիին զեկուցել է միջազգային գործընկերների հետ շարունակվող ինտենսիվ աշխատանքի մասին՝ Ուկրաինայից հացահատիկի արտահանումը վերսկսելու ուղիներ գտնելու համար: Նա ասել է, որ Մեծ Բրիտանիան կաշխատի G7-ի գործընկերների հետ՝ հրատապ առաջընթացի հասնելու նպատակով», - ասվում է հաղորդագրության մեջ:
