Բացել լրահոսը Փակել լրահոսը
A A
Պաշտոնական

Քննչական կոմիտեն ժամկետը երկարաձգում է

Քննչական կոմիտեում ինքնավար պաշտոն զբաղեցնող անձանց թեկնածությունների ցուցակի համալրման համար անցկացվող քննության հայտերի ընդունման ժամկետը երկարաձգվել է։

Հայաստանի Հանրապետության քննչական կոմիտեն երկարաձգում է Հայաստանի Հանրապետության քննչական կոմիտեում ինքնավար պաշտոն զբաղեցնող անձանց թեկնածությունների ցուցակը համալրելու համար 2022թ. հունիսի 3-ին, ժամը 10:00-ին կայանալիք գրավոր քննության հայտերի ընդունման տևողությունը՝ մինչև սույն թվականի մայիսի 26-ը ներառյալ:

Կարևորելով մասնագիտական համապատասխան շրջանակներում հավանական դիմորդների իրազեկվածության անհրաժեշտությունը՝ կրկին տեղեկացվում է, որ գրավոր քննությունների վերաբերյալ ընթացակարգային ողջ մանրամասները տեղադրված են www.investigative.am պաշտոնական կայքի «Նորություններ» բաժնի «Հայտարարություններ» ենթաբաժնում։

Միաժամանակ դարձյալ իրազեկվում է, որ Քննչական կոմիտեի պաշտոնական կայքում տեղադրված է նաև ինքնավար պաշտոն զբաղեցնող անձանց թեկնածությունների ցուցակի համալրման նպատակով իրականացվելիք գրավոր քննության համար նախատեսվող հարցաշարը, ինչպես նաև տեղեկություններ՝ վերջինիս վերաբերելի իրավական ակտերի մասով: