2022 թվականի մայիսի 9-ից 16-ն ընկած ժամանակահատվածում ՆԳ նախարարութան ոստիկանության կենտրոնական և տարածքային ստորաբաժանումների Հերթապահ մասերում իրավախախտումների, հանցագործությունների և պատահարների վերաբերյալ ստացվել է ընդհանուր 219 հաղորդում, որից 198-ը՝ հանցագործությունների վերաբերյալ։

Անցած շաբաթվա ընթացքում գրանցվել է մարմնական վնասվածք հասցնելու 9 հաղորդում, անձնական ունեցվածքի գողության՝ 6, խուլիգանության և ապօրինի ծառահատման մեկական դեպքեր։

 

ՔՀ վարչությունը համագործակցելով տարածքային ստորաբաժանումների ծառայողների հետ՝ անցած մեկ շաբաթվա ընթացքում հայտնաբերել է թմրանյութի ապօրինի շրջանառության 7 դեպք և նախկինում կատարված 2 հանցագործություն։

 

Ընդհանուր առմամբ հանրապետությունում կատարված հանցագործությունների մասով ստացված 198 հաղորդումից 196-ն արդեն բացահայտվել և քննության փուլում է:

ՆԳՆ ծառայողների ձեռնարկած օպերատիվ միջոցառումների արդյունքում հայտնաբերվել է անհետ մայիսի 9-ից անհետ կորած համարվող մեկ քաղաքացու դի։

 

Շաբաթվա ընթացքում կանխվել է ինքնասպանության մեկ փորձ՝ Ստեփանակերտ քաղաքում։

 

Ճանապարհային ոստիկանության օպերատիվ կառավարման կենտրոնում մայիսի 9-ից 16-ն ընկած ժամանակահատվածում գրանցվել է ճանապարհատրանսպորտային 27 պատահար, որից 20-ը նյութական վնասով, 7-ը՝ մարմնական, բուժհաստատություն է դիմել 14 քաղաքացի։

Ճանապարհապարեկային ծառայոոթյան կողմից բացահայտվել է առանց վարորդական վկայականի տրանսպորտային միջոց շահագործելու 36 դեպք, 19 վարորդ եղել է անսթափ վիճակում, 187-ը՝ գերազանցել է սահմանված արագությունը:

 

ՆԳ նախարարության բոլոր ծառայությունները շուրջօրյա աշխատանքով ձեռնարկում են բոլոր անհրաժեշտ միջոցառումները՝ հանցավորության դեմ պայքարն առավել արդյունավետ կազմակերպելու, կայուն հասարակական կարգ ու կանոն պահպանելու ուղղությամբ:

 

Ոստիկանության շրջանային և տարածքային ստորաբաժանումների ծառայողներն ուժեղացաված ռեժիմով շարունակում են հանրապետության տարածքում իրականացնել հասարակական կարգի պահպանությունը և հասարակական անվտանգությունը, միաժամանակ աշխատանքներ տանում հանցագործությունների ու վարչական իրավախախտումների նախականխման, կանխման և խափանման ուղղությամբ: