Հովհաննես Համբարձումյանը ճանաչվել է լավագույն աջ պաշտպան

Հայաստանի ֆուտբոլի հավաքականի անդամ Հովհաննես Համբարձումյանը ճանաչվել է Կիպրոսի 2021-22թթ առաջնության լավագույն աջ պաշտպան։ Այդ մասին հայտնում է Հայաստանի ֆուտբոլի ֆեդերացիայի մամուլի ծառայությունը։

Կիպրոսի «Անորտոսիսում» հանդես եկող մեր ֆուտբոլիստն այդ երկրի անցած առաջնությունում անցկացրել է 24 խաղ և խփել 3 գոլ։ Նրա թիմը զբաղեցրել է 4-րդ տեղը և կմասնակցի Կոնֆերենցիաների լիգայի գալիք մրցաշարին։