A
A
Հարություն Մերդինյանը առաջինն է
Հայաստանի ուժեղագույն մարմնամարզիկ Հարություն Մերդինյանը առաջին տեղը գրավեց Մոսկվայում անցկացված օլիմպիական խաղերի եւ աշխարհի չեմպիոն Միխայիլ Վորոնինի մարմնամարզության հուշամրցաշարում: Նա նժույգաթափերի մրցումներում ընդամենը 0,35 միավորով առաջ անցավ ռուսաստանցի Անդրեյ Լիխովիցկուց:
Մնացած մրցաձեւերում հաղթող ճանաչվեցին միայն Ռուսաստանի ներկայացուցիչները. Դենիս Աբլյազինը լավագույնն էր ազատ վարժությունում, օղակների վրա վարժություններում եւ հենացատկում, իսկ Սերգեյ Խարախոդինը` զուգափայտերի եւ մարզաձողի վրա:
Ավանդական դարձած այս հուշամրցաշարին այս տարի մասնակցեցին 23 երկրների, այդ թվում Ճապոնիայի, Ուկրաինայի, Բելառուսի ուժեղագույն մարմնամարզիկները:
