Մահացել է Ուկրաինայի առաջին նախագահ Լեոնիդ Կրավչուկը
Աջակցիր «Ա1+»-ին88 տարեկան հասակում մահացել է Ուկրաինայի առաջին նախագահ Լեոնիդ Կրավչուկը, հայտնում է ТАСС-ը՝ հղում անելով «Ուկրաինական նորություններ» գործակալությանը։
Նախկին նախագահի ընտանիքի անդամները հաստատել են նրա մահը։
Լեոնիդ Կրավչուկը Ուկրաինայի նախագահ է եղել 1991-1994 թվականներին։ Բորիս Ելցինի և Ստանիսլավ Շուշկևիչի հետ ստորագրել է Բելովեժյան համաձայնագիրը, որից հետո ԽՍՀՄ-ը դադարեց գոյություն ունենալ։
2020 թվականի հուլիսից նա ծառայում էր որպես Դոնբասում իրավիճակի կարգավորման կոնտակտային խմբի նախագահ։ 2021 թվականի հունիսին սրտի վիրահատության է ենթարկվել, որից հետո գտնվում էր ինտենսիվ թերապիայի մեջ և միացվել էր արհեստական շնչառության սարքին, իսկ սեպտեմբերին հայտնի է դարձել, որ Ուկրաինայի նախկին ղեկավարը տեղափոխվել է գերմանական կլինիկայի վերակենդանացման բաժանմունք։ Վիրահատությունից հետո նրա մոտ վիճակի «բարելավում» էր գրանցվել։