![a1+judo (4) a1+judo (4)](/static/articles/43/13/06/l-25HDAqld65.jpg)
Հայ ձյուդոյիստները մեդալներով են վերադառնում Եվրոպայից
Աջակցիր «Ա1+»-ինՀայաստանի ձյուդոյիստները երկու մեդալ են նվաճել Սարաևոյում կայացած Եվրոպայի գավաթի հերթական խաղարկությունում։
Մեր 73 կգ քաշային մարզիկ Արսեն Ավետիսյանը հաղթահարելով նախնական փուլի բոլոր արգելքները, մտել է եզրափակիչ, որտեղ նա պարտվել է հունգարացի Բոտոնտ Տոտին և արժանացել արծաթե մեդալի։ Սա մեր մարզիկի առաջին միջազգային մրցանակն է։
Նույն քաշային կարգում հանդես եկած Մերուժան Սարգսյանը քառորդ եզրափակիչում զիջել է գերմանացի Յերիկ Շրիվերին։
66 կգ քաշային Արտոյոմ Ղալաչյանը դարձել է 3-րդ մրցանակակիր: Նա առաջին մարտում չնայած պարտվել է բրիտանացի Չառլի Յունգին, սակայն հետո իրավունք է ստացել մասնակցել սփոփիչ մրցաշարին։ Այստեղ մեր ձյուդոյիստը հաղթել է բոլոր մրցակիցներին և նվաճել է բրոնզե մեդալ։
Եվրոպայի գավաթի խաղարկությանն մասնակցել են հին աշխարհամասի 27 երկրների 237 ձյուդոյիստ։ Թիմային հաշվարկով Հայաստանը գրավել է 13-րդ տեղը։
Բուխարեստում տեղի ունեցած Եվրոպայի պատանեկան մրցաշարում Հայաստանից Գոռ Կարապետյանը (81 կգ) դարձել է 2-րդ, իսկ Վահե Աղասյանը (55 կգ)` 3-րդ մրցանակակիր: