Ընդդիմությունը հիմա սկսեց շարժումը, քանի որ գեոքաղաքական կենտրոններից կան ազդակներ․ Կարեն Քոչարյան (տեսանյութ)

Ընդդիմությունը հիմա սկսեց շարժումը, քանի որ գեոքաղաքական կենտրոններից կան ազդակներ, իսկ մինչ այդ «կրանտները» փակ էին։

Այս մասին «Ա1+»-ի հետ հարցազրույցի ժամանակ ասաց քաղտեխնոլոգ Կարեն Քոչարյանը՝ պատասխանելով հարցին, թե ինչու հենց հիմա սկսեց ընդդիմությունը ակցիաները, ոչ թե 2020 թվականի նոյեմբերի 9-ից հետո։

Անդրադառնալով ընդդիմության կողմից տեխնոլոգիաների կրկնությանը՝ Կարեն Քոչարյանն ասաց, որ ի տարբերություն 2018-ի՝ հիմա չկան դագաղներ և չեն հատվել մարդկային սահմանները։

Քաղտեխնոլոգի խոսքով՝ ինքը չի ասում խորհրդարանական ընդդիմությունը գա իշխանության, բայց պարտված ղեկավարը պետք է գնա՝ նա չի կարող բանակցել։

Հարցին՝ ինչու՞ մինչ այս պահը ընդդիմությունը չի հայտարարել, թե ո՞վ է լինելու ՀՀ վարչապետի իրենց թեկնածուն, Կարեն Քոչարյանն ասաց, որ դա էլ տեխնոլոգիա է, և հիշեցրեց, որ այն ժամանակ Նիկոլ Փաշինյանն էլ չէր հայտարարում, որ ինքն է լինելու ՀՀ վարչապետի թեկնածուն։

Մանրամասները՝ տեսանյութում։