A
A
Հայաստանը երեք մեդալ կնվաճի բռնցքամարտի Եվրոպայի առաջնությունում (տեսանյութ)
Աջակցիր «Ա1+»-ինՍոֆիայում ընթացող բռնցքամարտի Եվրոպայի երիտասարդների առաջնությունում այսօր ավարտվեց քառորդ եզրափակիչ փուլը:
Այսօր ռինգ մտած Հայաստանի 5 պատվիրեկներից երեքը հաղթանակ տարան և նվազագույնն ապահովեցին բրոնզե մեդալը: Նախ 67 կգ քաշային Արես Հակոբյանը 5:0 հաշվով հաղթեց հույն Ջորջիոս Էֆտիդիամիսին: Ապա 60 կգ քաշային Էրիկ Իսրայելյանը պարզապես «ջախջախեց» Չեռնոգորիան ներկայացնող Տոմիսլավ Ջինովիչին` նրան ենթարկելով նոկաուտի: 80 կգ քաշային Համլետ Ադամյանը բացահայտ առավելության հասավ լատվիացի Իլյա Յուրգենոկսի նկատմամբ։
51 կգ քաշային Արեն Ասլամազյանը և 63,5 կգ քաշային Արթուր Մկրտչյանը պարտվեցին և դուրս մնացին պայքարից: Հատկապես ցավալի էր վերջինիս անհաջողությունը, որը 2:3 հաշվով զիջեց անգլիացի Օսամա Մոհամեդին:
