Վիճակահանությունը` դեկտեմբերի 14-ին
Դեկտեմբերի 14-ին Հայաստանի ֆուտբոլի ֆեդերացիայի շտաբ-բնակարանում տեղի կունենա Հայաստանի 2011 թ գավաթի խաղարկության վիճակահանությունը: Այդ մասին տեղեկացնում է ՀՖՖ մամուլի ծառայությունը: Նույն օրը կանցկացվի նաեւ բարձրագույն խմբի մասնակից թիմերի վիճակահանությունը` 2011 թ Հայաստանի առաջնության խաղացանկը կազմելու նպատակով:
Հարկ է նշել, որ սա առաջին դեպքն է, որ ֆուտբոլի հանրապետական ֆեդերացիան նոր մրցաշրջանին կպատրաստվի արդեն հին տարում: Մինչ այդ գավաթի խաղարկության զույգերը եւ խաղացանկը հայտնի էին դառնում մեկնարկից 2-3 շաբաթ առաջ, ինչը դժվարացնում էր ակումբների նախապատրաստական աշխատանքների պլանավորումը:
Հավելենք, որ ՀՖՖ-ն նախատեսել է 2011 թ առաջնությունը սկսել մարտի սկզբից, որպեսզի Հայաստանի հավաքականի անդամները մինչեւ Ռուսաստանի ընտրանու հետ ընտրական հանդիպումը որոշակի խաղային փորձ ձեռք բերեն:
