Oriflame-ը հոսանքին հակառակ է գնում՝ մնալու է Ռուսաստանում
Աջակցիր «Ա1+»-ինԿոսմետիկայի Oriflame ընկերությունը մնում է Ռուսաստանում և կշարունակի վաճառքն այդ երկրում։ Այս մասին РИА գործակալության փոխանցմամբ՝ հաղորդում է շվեդական Dagens Industri թերթը։
«Կոսմետիկայի Oriflame ընկերությունը դեմ է գնում հոսանքին և որոշել է շարունակել վաճառքը Ռուսաստանում»,-ասվում է ըներության տարածած հաղորդագրության մեջ։
Շվեդական Aftonbladet թերթի տվյալներով՝ 2021 թվականին Ռուսաստանին բաժին է ընկել ընկերության բոլոր վաճառքների 16%-ը՝ մեկ միլիարդ եվրոյից մի փոքր ավելի: Ըստ թերթի՝ ընկերությունը շարունակում է մնալ Ռուսաստանի Դաշնությունում՝ վաճառքի խորհրդատուներին աջակցելու նպատակով։
Օրիֆլեյմը, որը հիմնադրվել է Շվեդիայում 1967 թվականին, այսօր կոսմետիկայի միջազգային կոնցեռն է, որն ունի գրասենյակներ ավելի քան 60 երկրներում: Ընկերությունն ունի իր սեփական գործարանները Շվեդիայում, Լեհաստանում, Չինաստանում, Ռուսաստանում և Հնդկաստանում:
