Սպասելի էր, որ թշնամին օգտվելով այն հանգամանքից, որ ՌԴ-ն զբաղված է Ուկրաինայով,  սադրանքի դիմեց։ Սա միայն Երասխում չէ։ Երեկ նաև ասվեց, որ Արցախում գազատար է պայթեցրել հակառակորդը։ Այս մասին այսօր մամուլի ասուլիսում անդրադառնալով ադրբեջանական կողմի՝ Երասխի հատվածում հնչեցրած կրակոցներին,  ասաց մեդիափորձագետ Տիգրան Քոչարյանը։

Մեդիափորձագետը նշեց, որ պարտված իշխանության ներկայացուցիչները շարունակում եմ ղեկավարել երկիրը և բնականաբար Ալիևը շարունակելու է պայմաններ առաջ քաշել, քանի դեռ օրվա իշխանությունները խաղաղասիրական քաղաքականություն են որդեգրել։

Մեդիափորձագետի խոսքով՝ գերիների հարցը օրվա իշխանությունների 30-րդ հարցն է, այն դեպքում, երբ պատերազմի ավարտի առաջին օրերին գերիները հերոսներ էին, իսկ այսօր պատկերը լրիվ այլ է։

Անդրադառնալով ռուս-ուկրաինական պատերազմին Տիգրան Քոչարյանն ասաց՝ Ուկրաինա է տեղափոխվել «արծրունիզմը» և մոլորության են ենթարկվում տեղի բնակիչները։ Ըստ փորձագետի սրանից չեն խուսափել նաև ռուսները։ Խոսելով Ուկրաինայի հայ համայնքի մասին՝ Տիգրան Քոչարյանն ասաց, որ դժգոհություններ կան դեսպանատան աշխատանքի ճետ կապված և նկատեց, որ կան անվտանգային խնդիրներ՝ այդ թվում տնտեսական։

«Հայաստանի մոտեցումն այն է՝ մտնենք սեղանի տակ, հետո դուրս գանք տեսնենք՝ ինչ է կատարվել»,- ասաց փորձագետը՝ նշելով, որ երբեք Հայաստանն այսպիսի ջայլամային քաղաքականություն չի վարվել։

Պատասխանելով հարցին՝ ինչու ենք կենտրոնացել հացահատիհի թեմայի վրա,  մեդիափորձագետը նշեց, որ ՌԴ-ից, Ուկրաինայից եկող ցորենի հիմնական մատակարարները խնդիր են առաջացացնելու այն դեպքում, երբ Արցախից եկող ցորենի մատակարարումներն էլ կանգ են առել 44-օրյա պատերազմի պարտության հետևանքով։

Ըստ Տիգրան Քոչարյանի՝ խնդիրը միայն հացահատիկը չէ, այլ նաև արևածաղկի բերքի, ձեթի և սա բերելու է մի շարք ապրանքների թանկացման։

«Ա1+»-ի հարցին՝ ինչպես եք գնահատում ԱԱԾ-ի կողմից լրտեսական ցանցի հերթական բացահայտումը,  մեդիա փորձագետն այն ուշացած համարեց։ «ԱԱԾ-ն կարող է քաղաքական դեմքերով զբաղվել։ Պարզ է յուրաքանչյուր երկիր գործակալական ցանց է ստեղծել։ Ադրբեջանի մոտ սա շատ լավ է ստացվում։ Մեր ԱԱԾ-ն այն ժամանակ զբաղվում էր սատանաներ բռնելով։ Սա ուշացած բացահայտում էր և սրա մեջ պետք է մեղադրել ԱԱԾ-ին», -ասաց Տիգրան Քոչարյանը նշելով, որ ամողջ ցանցը բացահայտված է և քիչ-քիչ ներկայացնում են։