Արսեն Թորոսյանը բաց դասախոսությամբ է հանդես եկել Հայաստանի Ամերիկյան համալսարանում
Աջակցիր «Ա1+»-ինՀՀ Ազգային ժողովի «Քաղաքացիական պայմանագիր» խմբակցության պատգամավոր, նախկին առողջապահության նախարար Արսեն Թորոսյանը Հայաստանի Ամերիկյան համալսարանի Թրփանճեան հանրային առողջապահության ֆակուլտետի դեկան, փիլիսոփայության դոկտոր, պրոֆեսոր Վարդուհի Պետրոսյանի հրավերով փետրվարի 1-ին բաց դասախոսությամբ է հանդես եկել ֆակուլտետի ուսանողների առջև։ Այս մասին տեղեկացնում է Արսեն Թորոսյանը։
«Ուսանողների հետ ունեցել ենք քննարկում վերջին տարիների առողջապահական բարեփոխումների մասին, վերջիններս ուղղել են ոլորտին առնչվող ամենատարբեր բովանդակությամբ հարցեր, այդ թվում` հակածխախոտային օրենքի, առողջության առաջնային պահպանման օղակի, ուռուցքաբանության ոլորտի, բժշկական կրթության և առողջության համապարփակ ապահովագրության մասին:
Շատ եմ կարևորել առողջապահական բարեփոխումները քաղաքական ավելի լայն համատեքստում դիտարկելը` նշելով, որ առկա խնդիրների լուծման համար անչափ կարևոր է որոշում կայացնողների ճիշտ հաղորդակցությունը, որոշումների պատշաճ հիմնավորումները և քաղաքական հաստատակամությունն ու կամքը»,- ասվում է հաղորդագրության մեջ:
Արսեն Թորոսյանը նշում է, թե ուսանողներին խոստացել է ապագայում կրկին նմանատիպ ձևաչափով հանդիպում կունենա նրանց հետ։
