Բացել լրահոսը Փակել լրահոսը
A A
Հասարակություն

44-օրյա պատերազմում Ղարայանների ընտանիքը երեք զոհ է ունեցել

44-օրյա պատերազմում Հադրութի Քյուրաթաղ գյուղից Ղարայանների ընտանիքը երեք զոհ է ունեցել․ Գարեգին Ղարայանը և նրա երկու որդիները՝ 21-ամյա Դավիթն ու 23-ամյա Վազգենը զոհվել են օրերի տարբերությամբ, հուղարկավորվել Եռաբլուրում։ Գարեգինն ավագ որդու հետ պատերազմ էր մեկնել կամավոր։
 
Կրտսեր որդին՝ Դավիթը, ժամկետային էր, ով իր վաշտի անձնակազմի հետ զոհվել է հոկտեմբերի 11-ին՝ Հադրութում և հետմահու արժանացել «Մարտական խաչ» 1-ին աստիճանի շքանշանի։
 
Հայրենիքի սահմանը պաշտպանելիս ցուցաբերած արիության ու խիզախության համար Արցախի նախագահի՝ 2022թ․ հունվարի 11-ի հրամանագրերով Գարեգին Էդուարդի Ղարայանին շնորհվել է «Մարտական խաչ» 1-ին, իսկ Վազգեն Գարեգինի Ղարայանին՝ «Մարտական խաչ» 2-րդ աստիճանի շքանշան։
 
Հունվարի 17-ին ՀՀ-ում ԱՀ մշտական ներկայացուցչությունում նախագահ Հարությունյանը պետական պարգևները հանձնել է որդեկորույս մայրեր Նուշիկ և Վեներա Ղարայաններին։