2-րդ տուրում հաղթեց միայն Զավեն Անդրիասյանը. Շախմատի ՀՀ առաջնություն
Աջակցիր «Ա1+»-ինՇախմատի Հայաստանի առաջնությունում այսօր կայացան 2-րդ տուրի պարտիաները:
Տղամարդկանց հանդիպումներն «խաղաղ» ստացվեցին. կայացած 6 պարտիաներից միայն մեկն արդյունավետ ավարտ ունեցավ: Զավեն Անդրիասյանը սևերով հաղթեց Տիգրան Լ. Պետրոսյանին: Մնացած հինգ պարտիաներն ավարտվեցին ոչ-ոքի:
Այդպիսով, երկու տուրից հետո մրցաշարային աղյուսակը 1,5 միավորով գլխավորում են չորս շախմատիստ` Զավեն Անդրիասյանը, Հովհաննես Գաբուզյանը, Հայկ Մարտիրոսյանը և Դավիթ Շահինյանը: Նրանց հաջորդում են հինգ շախմատիստ, որոնք ունեն 1-ական միավոր:
Վաղը կայանալիք 3-րդ տուրում առաջատարներ Հայկ Մարտիրոսյանը, Հովհաննես Գաբուզյանը և Զավեն Անդրիասյանը կհանդիպեն իրենց անմիջապես հետապնդող Մանուէլ Պետրոսյանի, Արման Միքայելյանի և Շանթ Սարգսյանի հետ:
Կանանց առաջնության 2-րդ տուրում հաղթական ավարտ ունեցան չորս պարտիաներ: Սուսաննա Գաբոյանը և Նարե Առաքելյանը երկրորդ անընդմեջ հաղթանակը տարան և գլխավորեցին աղյուսակը: Նրանց հաջորդում է Վերոնիկա Խաչատրյանը, որն ընթացիկ տուրում պարտության մատնեց միջազգային վարպետ Նարինե Գասպարյանին:
Երրորդ տուրում Սուսաննա Գաբոյանը կհանդիպի հենց Վերոնիկա Խաչատրյանի հետ: Նարե Առաքելյանը կմրցի Նարինե Գասպարյանի հետ:»