A
A
Հասավ 1/16 եզրափակիչ
Ֆրանսիայի մայրաքաղաք Փարիզում ավարտված սուսերամարտի աշխարհի առաջնությունում Հայաստանի երեք մասնակիցներից առավել հաջող հանդես եկավ Միքայել Ղազարյանը:
Խոցասուսերի մրցումներին նա իր խմբում զբաղեցրեց 2-րդ տեղը եւ մտավ հաջորդ փուլ: 1/32 եզրափակիչում Միքայել Ղազարյանը 14:13 հաշվով հաղթեց Հոնկոնգի ներկայացուցիչ Լաու Կամ Տանին, սակայն 1/16-ում զիջեց ուզբեկ մարզիկ Ռուսլան Կուդաեւին եւ ավարտեց ելույթները առաջնությունում:
Մեր մնացած երկու սուսերամարտիկները` Արկադի Մուրադյանը եւ Ղարիբ Վարդանյանը, իրենց խմբերում զբաղեցրին համապատասխանաբար 6-րդ ու 7-րդ տեղերը եւ ժամանակից շուտ դուրս մնացին պայքարից:
