A
A
Հաղթեց Մագնուս Կառլսենը
Նորվեգացի գրոսմայստեր Մագնուս Կառլսենը հաղթող ճանաչվեց չինական Նանցզինում տեղի ունեցող շախմատի գերմրցաշարում:
Նախավերջին, 9-րդ տուրում, շախմատային հրաշամանուկը սեւերով հաղթելով բուլղարացի Վեսելին Թոփալովին, վաստակեց 6,5 միավոր եւ անհասանելի դարձավ իր գլխավոր մրցակիցների` Վիշվանաթան Անանդի (Հնդկաստան) եւ Էտիեն Բակրոյի (Ֆրանսիա) համար, քանի որ նրանք ոչ-ոքի ավարտեցին իրենց պարտիաները եւ վաստակեցին 5-ական միավոր:
Մագնուս Կառլսենը այս հաջողության համար կստանա 80 հազար եվրո պարգեւավճար: Երկրորդ տեղի համար կպայքարեն Վիշվանաթան Անանդն ու Էտիեն Բակրոն: Վերջին տուրում նրանք կհանդիպեն հենց միմյանց հետ:
