Հայաստանի ազատ ոճի ըմբշամարտի Մ23 հավաքականը թիմային հաշվարկով 3-րդն է աշխարհում
Աջակցիր «Ա1+»-ինՀայաստանի ազատ ոճի ըմբշամարտի մինչև 23 տարեկանների հավաքականը Սերբիայում ավարտված աշխարհի առաջնությունում թիմային հաշվարկով զբաղեցրել է 3-րդ տեղը:
Մեր ընտրանին վաստակել է վարկանիշային 114 միավոր (1-ին տեղի համար տրվում է 25 միավոր, 2-րդ` 20, և այդպես շարունակ): Առաջին երկու տեղերը զբաղեցրել են Ռուսաստանի և Իրանի հավաքականները:
Մեդալների քանակով առաջինը, միանշանակ, Իրանի թիմն է, որը նվաճել է 7 մեդալ: Այնուհետև գալիս է Ռուսատանը` 6, ապա Հայաստանը` 5 մեդալ:
Ոսկե մեդալներով առաջին տեղը բաժանել են Ռուսաստանի և Ադրբեջանի հավաքականները, որոնք նվաճել են բարձր որակի 2-ական մեդալ:
Հիշեցնենք Հայաստանի հավաքականի մեդալակիրներին.
Արսեն Հարությունյան (61 կգ քաշային կարգ) - ոսկի
Վազգեն Թևանյան (70 կգ) - արծաթ
Մանվել Խնձրցյան (57 կգ), Հրայր Ալիխանյան (74 կգ), Արման Ավագյան (79 կգ) - բրոնզ
