A
A
Լավրովն ու Չավուշօղլուն քննարկել են «3+3» ձևաչափի գործարկման հեռանկարները (տեսանյութ)
Աջակցիր «Ա1+»-ինՌուսաստանի և Թուրքիայի արտգործնախարարներ Սերգեյ Լավրովը և Մևլութ Չավուշօղլուն G20-ի գագաթնաժողովի շրջանակում տեղի ունեցած հանդիպման ժամանակ քննարկել են նաև Հարավային Կովկասում հետպատերազմյան կարգավորման և տրանսպորտային հաղորդակցությունների ապաշրջափակման հարցը։ Այս մասին հայտնում է ՌԴ ԱԳՆ-ն։
«Կայացել է մտքերի փոխանակում «3 + 3» տարածաշրջանային մեխանիզմի գործարկման հեռանկարների շուրջ՝ տնտեսական և տրանսպորտային կապերն ապաշրջափակելու և Հարավային Կովկասում փոխշահավետ ենթակառուցվածքային նախագծերը խթանելու նպատակով»,- ասվում է հաղորդագրությունում։
Բացի այդ, Լավրովն ու Չավուշօղլուն անդրադարձել են միջազգային օրակարգի որոշ հարցերի և ռուս-թուրքական հարաբերությունների հիմնական կողմերին։
