Քաղաքացիները՝ Ամանորյա տոնական օրերը կրճատելու մասին (տեսանյութ)
Աջակցիր «Ա1+»-ինԱյսօր խորհրդարանի հերթական նիստում քննարկվող նախագծերից էր ՀՀ էկոնոմիկայի նախարար Վահան Քերոբյանի կողմից ներկայացված ««ՀՀ տոների եւ հիշատակի օրերի մասին» ՀՀ օրենքում փոփոխություններ կատարելու մասին» օրենքի նախագիծը։
Նախագծով առաջարկվում է կրճատել Ամանորի եւ Ծննդյան տոների համար սահմանված ոչ աշխատանքային օրերը: Ըստ առաջարկի՝ Ամանորի եւ Ծննդյան տոները նշելու համար պետք է ոչ աշխատանքային օր սահմանել դեկտեմբերի 31-ից՝ հունվարի 1-ը, ներառյալ նաեւ հունվարի 6-ը:
Նախարար Քերոբյանը կարծում է, որ 7-օրյա հանգստից հետո տնտեսական աշխուժությունը որոշ չափով թուլանում է, եւ դժվար է լինում այն կրկին վերականգնել:
«Այս նախագծի ընդունումը շատ կարեւոր է աշխատանքի նկատմամբ վերաբերմունքն ընդգծելու տեսանկյունից»,-ասել է նա:
Իսկ, թե ինչպես են արձագանքում վերոհիշյալ առաջարկին Երևանի բնակիչները, փորձել ենք պարզել համաքաղաքացիների շրջանում անցկացված հարցումներում։