A
A
Արման Միքայելյանը շախմատի Yerevan Open-ի մրցաշարում գրավեց 3-րդ տեղը
Աջակցիր «Ա1+»-ինԿարեն Դեմիրճյանի անվան մարզահամերգային համալիրում ավարտվեց Yerevan Open շախմատային թվով 3-րդ մրցաշարը:
Կայացած 9 տուրից հետո միանգամից երեք շախմատիստ վաստակեցին 7,5-ական միավոր: Լրացուցիչ ցուցանիշներով մրցաշարի հաղթող ճանաչվեց հնդիկ գրոսմայստեր Աբհիմանյու Պուրանիկը: Երկրորդ տեղը գրավեց ուկրաինացի Վիտալի Սիվուկը, իսկ երրորդ` մեր շախմատիստ Արման Միքայելյանը:
Արցախցի գրոսմայստեր Հովիկ Հայրապետյանը 6,5 միավորով զբաղեցրեց 9-րդ տեղը: Հայաստանի չորս շախմատիստներ` Տիգրան Լ. Պետրոսյանը, Մամիկոն Ղարիբյանը, Կարեն Մովսիսյանը և Լևոն Բաբուջյանը վաստակեցին 6-ական միավոր և բաժանեցին 11-23-րդ տեղերը: