Պայթյուն Մալաթիա շուկայի մոտ․ 4 վիրավորների վիճակը ծանր է․ լրացված
Աջակցիր «Ա1+»-ինՕգոստոսի 16-ին, ժամը 13։10-ին Ճգնաժամային կառավարման ազգային կենտրոն ահազանգ է ստացվել, որ Երևանի Մալաթիա շուկայի խաչմերուկի մոտակայքում գտնվող ավտոմեքենայից տեղի է ունեցել գազի արտահոսք՝ պայթյունով։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Րաֆֆու և Մալաթիայի փողոցների խաչմերուկի մոտակայքում հայտնաբերվել է պայթյունից (պայթյունի պատճառն անհայտ է) վնասված «Toyota Camry» մակնիշի ավտոմեքենան։
Մինչ փրկարարների կանչի վայր հասնելը, Ս․ Մ․-ն (ծնված 1953 թ․), Վ․ Վ․-ն (ծնված 1955 թ․), Ա․ Ս․-ն (ծնված 1985 թ․), Ս․ Ս․-ն (ծնված 1982 թ․) և Գ․ Ս․-ն (ծնված 2018 թ․) հոսպիտալացվել են «Այրվածքաբանության ազգային կենտրոն» ՓԲԸ, որտեղ բժիշկները վերջիններիս առողջական վիճակը գնահատել են կայուն ծանր։
Փրկարարները փակել են գազի բալոնի փականը։
