Օլիմպիական խաղերն առաջին անգամ կանցկացվեն առանց հանդիսականների (տեսանյութ)
Աջակցիր «Ա1+»-ինՏոկիոյի Օլիմպիական խաղերն անցկացվելու են առանց հանդիսականների: Այդ մասին հայտնել է Ճապոնիայի կառավարությունում խաղերի պատասխանատու Տամայե Մարուկավան։
«Միջազգային օլիմպիական կոմիտեի, միջազգային պարալիմպիկ կոմիտեի, «Տոկիո-2020»-ի կազմկոմիտեի, Տոկիոյի իշխանությունների և երկրի կառավարության հետ հնգակողմ հանդիպման ժամանակ որոշում է կայացվել խաղերն անցկացնել փակ դռների ներքո», - ասել է խաղերի պատասխանատուներից մեկը։
Կորոնավիրուսի համաճարակի աճի պատճառով խաղերի մեկնարկից երկու շաբաթ առաջ Ճապոնիայի վարչապետ Յոսիհիդա Սուգան հայտարարել է արտակարգ դրություն Տոկիոյում, որը կսկսվի հուլիսի 12-ից:
Միջազգային օլիմպիական կոմիտեի ղեկավար Թոմաս Բախը, որն այժմ գտնվում է Տոկիոյում, նույնպես մասնակցել է առցանց հնգակողմ հանդիպմանը: Նա հյուրանոցում է, որտեղ պետք է եռօրյա կարանտին անցնի:
«Կարծում եմ, որ մենք բոլորս պետք է ուրախ լինենք բոլորին պաշտպանելու համար ավելի խիստ միջոցների կիրառման համար», - ասել է Թոմաս Բախը։
Սա առաջին դեպքն է, որ օլիմպիական խաղերին թույլ չեն տալու ներկա գտնվեն հանդիսականներ։
Ի դեպ, օլիմպիական խաղերի մասնակիցներն արդեն ժամանում են Ճապոնիա: Մասնավորապես՝ երեկ Տոկիոյի Հանեդա օդանավակայանում դիմավորել են Մեծ Բրիտանիայի օլիմպիական հավաքականին:
